Sunday, August 12, 2012

පිටස්තරයෝ


වදන් යනු හැඟවුම් ද
අසම්පූර්ණව සැදුණු,
පූර්ණ ද හැඟවුමෙන්
නිසි අරුත් ගොනු කෙරුණු..?
නොදන්නෙමි තවම මම
මමත් මගෙ බසත් දෙක
ලෝක දෙකකැයි සිතෙයි...

එහෙයින්ම
මම වදන් නොපවසමි, නිහඬ වෙමි
අරුත් නිසි නොම දෙවන
මගේ බස, හද බසට
පාලමක් නොම තනන
නිසාවෙන් නිසි ලෙසට

වදනකුදු නොදොඩන්න
ඔබ වැරදියැයි කියනු ඇත එවිට
නැගෙන නද තත් සරින්
මියුරු යැයි කියති උන්

මත භේද, විතර්කන
මට අවැසි නැත කිසිත්
ඔබෙ වදන් ඔබ ගන්න
මගෙ වදන් මම ගනිමි

ඉදින් කල‘රිමු යෙහෙන්
පිටස්තරයෝ ලෙසින්...

 
සෙවනැල්ල: ටින් මෝ - Strangers

No comments:

Post a Comment