Saturday, January 14, 2012

එකා


මම පමණි
නොහැක කිසිවකුට තනන්නට
දෙවැන්නා
ඡායස්ථ පි‍ටපතකින් මෙන්...

නැත මා ඇඟිලි මුද්‍රාව
නැත මා හඬන මගෙ කඳුළු
හෝ මා නඟන සිනහව
මා සිහින...
මා තුළම නැ‍‍ඟෙන මියෙන

එනමුදු
හැකිය නළුවකුව
මා නැටුම නටන්න‍ට
මා ගැයුම ගයන්නට
මා සෙමින් මුමුණන
මා තනුව නඟන්න‍ට

හැකිය කැඩපතට
මා ඉදිරිපස හිඳ
ප්‍රතිරූප නඟන්න‍ට
යළි යළිත්
කහ පැහැති ගුරු පැහැති
මා ඇඳුම් සමග ගෙන

එහෙත්
කිසිවෙකුට නොහැක
ඇතුළු වී මා වතට
මා ම වන්න‍ට
මා හැඟුම හඟින්න‍ට
මා දිවුම දුවන්න‍ට
මා අසන මියැසි නද අසන්න‍ට...

මා මම ම පමණි
ඇවෑමෙන්
මා නඟන හඬ නඟන්න‍ට
නොමැත කිසිවෙක්...

නමුත්
හැකිය ඕනෑම කෙනෙකු‍ට
මා ප්‍රකෝපිතව
හඬ නඟනු රඟන්න‍ට
මා නඟන ප්‍රතිරාව නඟන්නට

කැඩපතට හැක ප්‍රතිරූප තනන්නට
යළි යළිත්
නිල් පැහැති කොළ පැහැති
මා ඇඳුම් සමග ගෙන



සෙවණැල්ල: ජේම්ස් බෙරී - One...