Saturday, June 29, 2013

කාලයට මම අකමැතියි...



දුවන්නට හැකි වෙතොත්
කාලයේ පසුපසට
මම දුවමි හරියටම
වසරකුත් සතියක් මුලට
හරියටම  හරි දිනට
නුඹේ අවසන් කථන ඇමතුමට

මම කියමි රෝහලට
දැන්ම යන්නැයි කියා
නුඹ පෙළන බඩ රිදුම
පුංචි නොවෙතැයි කියා

කාලය තරම් බිහිසුණු
කිසිත් මම නොදනිමි
යන්න අවසර නැති
කරුණු මම විමසමි...

අවසර තිබිණි නම්
තාත්ති නුඹ තවම මෙහි
සමුගෙන වසරකුත් නොව
සමුගන්න තව කල් ඇති...

(අපේ තාත්ති අපෙන් සමුගෙන අදට වසරකි!)